Mild Earthquake In Idukki after Iran- Iraq boarder earthquake.
ഇടുക്കി അണക്കെട്ടിനോട് ചേര്‍ന്ന പ്രദേശങ്ങളില്‍ തിങ്കളാഴ്ച പുലര്‍ച്ചെ നേരിയ ഭൂചലനം അനുഭവപ്പെട്ടു. പുലര്‍ച്ചെ 4.52 നാണ് റിക്ടര്‍ സ്‌കെയിലില്‍ 2.4 രേഖപ്പെടുത്തിയ ചലനമുണ്ടായത്. 5 മുതല്‍ 7 സെക്കന്റ് വരെ ചലനം നീണ്ടു നിന്നു. നാശനഷ്ടങ്ങളൊന്നും റിപ്പോര്‍ട്ട് ചെയ്തിട്ടില്ല. ഇറാന്‍-ഇറാഖ് അതിര്‍ത്തിയില്‍ ഉണ്ടായ അതിശക്തമായ ഭൂചലനത്തില്‍ നൂറുകണക്കിന് പേര്‍ കൊല്ലപ്പെട്ടതിന് പിന്നാലെയാണ് ഇടുക്കിയിലും പ്രകമ്പനം ഉണ്ടായത്. മുമ്പ് നേപ്പാളില്‍ അതി ശക്തമായ ഭൂചലനം ഉണ്ടായപ്പോള്‍ അതിന്റെ പ്രകമ്പനങ്ങള്‍ കൊച്ചിയില്‍ വരെ അനുഭവപ്പെടുകയുണ്ടായിട്ടുണ്ട്. അതേസമയം ഇറാന്‍-ഇറാഖ് അതിര്‍ത്തിയിലുണ്ടായ ശക്തമായ ഭൂചലത്തില്‍ മരണം 135 ആയി. 129 പേരും കൊല്ലപ്പെട്ടത് ഇറാനിലാണ്. ആറു പേര്‍ ഇറാഖിലും മരിച്ചു. പ്രാദേശിക സമയം ഞായറാഴ്ച രാത്രി ഒന്‍പതരയോടെയാണ് ഭൂചലനം അനുഭവപ്പെട്ടത്.
